ಪುರುಳೆ ಹಕ್ಕಿ !

ನನಗೆ ಈ ಕಥೆಯ ಮೂಲ ಯಾವುದು ಅಂತ ಗೊತ್ತಿಲ್ಲ. ನಾನು ಕೇಳಿದ್ದು ಮಾತ್ರ ೧೬ - ೧೭ ವರ್ಷದವನಾಗಿದ್ದಾಗ ನನ್ನ ಸೋದರಮಾವನಿಂದ. ಅದೂ ಅವರ ಮಗ ಸಣ್ಣವನಿದ್ದಾಗ ನಿದ್ದೆ ಮಾಡಿಸಲು ಹೇಳುವಾಗ ಕದ್ದು ಕೇಳಿಸಿಕೊಂಡಿದ್ದು !

ಇದರ ಸಾರಾಂಶ, ಸಂದೇಶ ನಿಮ್ಮ ಕಲ್ಪನೆಗೆ ಬಿಟ್ಟಿದ್ದು. ಇಲ್ಲಿಂದ ಮುಂದೆ ಕಥೆ, ನಾನು ಕೇಳಿಸಿಕೊಂಡಂತೆ, ನನಗೆ ನೆನಪಿದ್ದಂತೆ, ಅದರದೇ ಆದ ಧಾಟಿಯಲ್ಲಿ !

~~ ಪುರುಳೆ ಹಕ್ಕಿ ~~

ಒಂದು ದೊಡ್ಡ ಕಾಡಲ್ಲಿ ಒಂದು ದೊಡ್ಡ ಮರ. ಅದರ ಮೇಲೆ ಒಂದು ಹಕ್ಕಿ ಗೂಡು ಕಟ್ಟಿಕೊಂಡಿತ್ತಂತೆ. ಆ ಹಕ್ಕಿ ಹೆಸರು  ಪುರುಳೆ  ಹಕ್ಕಿ ಅಂತ. ಒಂದು ರಾತ್ರಿ ಜೋರು ಮಳೆ ಬಂದು ಗೂಡು ನೆಲಕ್ಕೆ ಬಿದ್ದು ಬಿಡ್ತಂತೆ. ಅದರ ಮೇಲೆ ಗೂಡು ಇದ್ದ ಮರಾನೂ ಬಿತ್ತಂತೆ.  ಪುರುಳೆ  ಹಕ್ಕಿ ಮರ ಎತ್ತೋಕೆ ನೋಡ್ತಂತೆ. ಆದ್ರೆ ಗೂಡಿನ ಮೇಲೆ ಬಿದ್ದ ಮರ ಎತ್ತೋಕೆ ಆಗ್ಲೇ ಇಲ್ಲ ಅದಕ್ಕೆ.  ಪುರುಳೆ ಹಕ್ಕಿ ತುಂಬಾ ಸಣ್ಣಕ್ಕೆ ಇರುತ್ತೆ ಅಲ್ವ? ಅದಕ್ಕೆ ಆ ದೊಡ್ಡ ಮರ ಹೇಗ್ ಎತ್ತೋಕೆ ಆಗತ್ತೆ ಅಲ್ವ?

ಪುರುಳೆ ಹಕ್ಕಿ ಯಾರ್ ಹತ್ರ ಆದರೂ ಸಹಾಯ ಕೇಳೋಣ ಅಂತ ಸೀದಾ ನರಿ ಮನೆಗೆ ಹೋಯ್ತಂತೆ.

ನರಿ : "ಬಾ ಪುರುಳೆ ಬಾ. ಹಸೆ ಇದೆ ಮಣೆ ಇದೆ. ಕುಳಿತುಕೋ. ಏನು ಬಂದೆ  ಪುರುಳೆ?" ಅಂತಂತೆ.

ಪುರುಳೆ : "ಹಸೆ ಬೇಡಾ, ಮಣೆ ಬೇಡಾ. ಗೂಡಿನ ಮೇಲೆ ಮರ ಬಿತ್ತು. ಒಂಚೂರು ಮರ ಎತ್ತಿ ಕೊಡ್ತೀಯ?" ಅಂತಂತೆ.

ಅದಕ್ಕೆ ನರಿ : "ನಾನ್ ಮರ ಎತ್ತಲ್ಲ ಹೋಗ್" ಅಂತಂತೆ.

ಈ ನರಿಗೆ ಮಾಡ್ಸ್ತೀನಿ ಅಂತ ಪುರುಳೆ ಹಕ್ಕಿ ಸೀದಾ ನಾಯಿ ಮನೆಗೆ ಹೋಯ್ತಂತೆ.

ನಾಯಿ : "ಬಾ ಪುರುಳೆ ಬಾ. ಹಸೆ ಇದೆ ಮಣೆ ಇದೆ. ಕುಳಿತುಕೋ. ಏನು ಬಂದೆ  ಪುರುಳೆ?" ಅಂತಂತೆ.

ಪುರುಳೆ: "ಹಸೆ ಬೇಡಾ, ಮಣೆ ಬೇಡಾ. ಗೂಡಿನ ಮೇಲೆ ಮರ ಬಿತ್ತು. ಮರ ಎತ್ತಲ್ವಂತೆ ನರಿ. ನೀನು ಹೋಗಿ ನರಿಗೆ ಕಚ್ತೀಯ?" ಅಂತಂತೆ.

ಅದಕ್ಕೆ ನಾಯಿ : "ನಾನ್ ಕಚ್ಚಲ್ಲಪ್ಪ. " ಅಂತಂತೆ.

ನಾಯಿಗೆ ಬುದ್ಧಿ ಕಲ್ಸ್ತೀನಿ ಅಂತ ಪುರುಳೆ ಹಕ್ಕಿ ಸೀದಾ ದೊಣ್ಣೆ ಮನೆಗೆ ಹೋಯ್ತಂತೆ.

ದೊಣ್ಣೆ : "ಬಾ ಪುರುಳೆ ಬಾ. ಹಸೆ ಇದೆ ಮಣೆ ಇದೆ. ಕುಳಿತುಕೋ. ಏನು ಬಂದೆ  ಪುರುಳೆ?" ಅಂತಂತೆ.

ಪುರುಳೆ : "ಹಸೆ ಬೇಡಾ, ಮಣೆ ಬೇಡಾ. ಗೂಡಿನ ಮೇಲೆ ಮರ ಬಿತ್ತು. ಮರ ಎತ್ತಲ್ವಂತೆ ನರಿ, ನರಿಗೆ ಕಚ್ಚೋಲ್ವಂತೆ ನಾಯಿ. ನೀನು ಆ ನಾಯಿಗೆ ಹೊಡೀತೀಯ?" ಅಂತಂತೆ.

ಅದಕ್ಕೆ ದೊಣ್ಣೆ : "ಹೋಗ್ ಹೋಗ್, ನಾನ್ ಹೊಡ್ಯಲ್ಲ. " ಅಂತಂತೆ.

ದೊಣ್ಣೆಗೂ ಬುದ್ಧಿ ಕಲ್ಸ್ತೀನಿ ಅಂತ ಪುರುಳೆ ಹಕ್ಕಿ ಸೀದಾ ಬೆಂಕಿ ಮನೆಗೆ ಹೋಯ್ತಂತೆ.

ಬೆಂಕಿ : "ಬಾ ಪುರುಳೆ ಬಾ. ಹಸೆ ಇದೆ ಮಣೆ ಇದೆ. ಕುಳಿತುಕೋ. ಏನು ಬಂದೆ  ಪುರುಳೆ?" ಅಂತಂತೆ.

ಪುರುಳೆ : "ಹಸೆ ಬೇಡಾ, ಮಣೆ ಬೇಡಾ. ಗೂಡಿನ ಮೇಲೆ ಮರ ಬಿತ್ತು. ಮರ ಎತ್ತಲ್ವಂತೆ ನರಿ, ನರಿಗೆ ಕಚ್ಚೋಲ್ವಂತೆ ನಾಯಿ, ನಾಯಿಗೆ ಹೊಡೆಯೋಲ್ವಂತೆ ದೊಣ್ಣೆ. ನೀನು ಆ ದೊಣ್ಣೆ ಸುಡ್ತೀಯ?" ಅಂತಂತೆ.

ಅದಕ್ಕೆ ಬೆಂಕಿ : "ಈ ರಾತ್ರಿಲಿ? ನಾನ್ ಸುಡಲ್ಲ, ನಂಗ್ ಯಾಕ್ ಬೇಕು. " ಅಂತಂತೆ.

ಈ ಬೆಂಕಿನೂ ಬಿಡಬಾರದು ಅಂತ ಪುರುಳೆ ಹಕ್ಕಿ ಸೀದಾ ನೀರಿನ ಮನೆಗೆ ಹೋಯ್ತಂತೆ.

ನೀರು : "ಬಾ ಪುರುಳೆ ಬಾ. ಹಸೆ ಇದೆ ಮಣೆ ಇದೆ. ಕುಳಿತುಕೋ. ಏನು ಬಂದೆ  ಪುರುಳೆ?" ಅಂತಂತೆ.

ಪುರುಳೆ : "ಹಸೆ ಬೇಡಾ, ಮಣೆ ಬೇಡಾ. ಗೂಡಿನ ಮೇಲೆ ಮರ ಬಿತ್ತು. ಮರ ಎತ್ತಲ್ವಂತೆ ನರಿ, ನರಿಗೆ ಕಚ್ಚೋಲ್ವಂತೆ ನಾಯಿ, ನಾಯಿಗೆ ಹೊಡೆಯೋಲ್ವಂತೆ ದೊಣ್ಣೆ, ದೊಣ್ಣೆ ಸುಡೋಲ್ವಂತೆ ಬೆಂಕಿ. ನೀನು ಬೆಂಕಿ ನಂದಿಸ್ತೀಯ?" ಅಂತಂತೆ.

ಅದಕ್ಕೆ ನೀರು : "ನಂಗೆ ಬೇರೆ ಕೆಲಸ ಇದೆ, ನಂಗಾಗಲ್ಲ. " ಅಂತಂತೆ.

ಅಲ್ಲಿಂದ ಸೀದಾ ಪುರುಳೆ ಹಕ್ಕಿ ಎತ್ತಿನ ಮನೆಗೆ

 ಹೋಯ್ತಂತೆ.

ಎತ್ತು : "ಬಾ ಪುರುಳೆ ಬಾ. ಹಸೆ ಇದೆ ಮಣೆ ಇದೆ. ಕುಳಿತುಕೋ. ಏನು ಬಂದೆ  ಪುರುಳೆ?" ಅಂತಂತೆ.

ಪುರುಳೆ : "ಹಸೆ ಬೇಡಾ, ಮಣೆ ಬೇಡಾ. ಗೂಡಿನ ಮೇಲೆ ಮರ ಬಿತ್ತು. ಮರ ಎತ್ತಲ್ವಂತೆ ನರಿ, ನರಿಗೆ ಕಚ್ಚೋಲ್ವಂತೆ ನಾಯಿ, ನಾಯಿಗೆ ಹೊಡೆಯೋಲ್ವಂತೆ ದೊಣ್ಣೆ, ದೊಣ್ಣೆ ಸುಡೋಲ್ವಂತೆ ಬೆಂಕಿ, ಬೆಂಕಿ ನಂದಿಸೋಲ್ವಂತೆ ನೀರು. ನೀನು ಆ ನೀರೆಲ್ಲ ಕುಡ್ದು ಬಿಡ್ತೀಯ? " ಅಂತಂತೆ.

ಅದಕ್ಕೆ ಎತ್ತು : "ನನ್ನ ಹೊಟ್ಟೆ ತುಂಬಿ ಹೋಗಿದೆ. ನಾನ್ ಕುಡ್ಯಲ್ಲ ಹೋಗ್" ಅಂತಂತೆ.

ಸಿಟ್ಟುಕೊಂಡು ಪುರುಳೆ ಹಕ್ಕಿ ಸೀದಾ 

ಹಗ್ಗದ ಮನೆಗೆ ಹೋಯ್ತಂತೆ.

ಹಗ್ಗ : "ಬಾ ಪುರುಳೆ ಬಾ. ಹಸೆ ಇದೆ ಮಣೆ ಇದೆ. ಕುಳಿತುಕೋ. ಏನು ಬಂದೆ  ಪುರುಳೆ?" ಅಂತಂತೆ.

ಪುರುಳೆ : "ಹಸೆ ಬೇಡಾ, ಮಣೆ ಬೇಡಾ. ಗೂಡಿನ ಮೇಲೆ ಮರ ಬಿತ್ತು. ಮರ ಎತ್ತಲ್ವಂತೆ ನರಿ, ನರಿಗೆ ಕಚ್ಚೋಲ್ವಂತೆ ನಾಯಿ, ನಾಯಿಗೆ ಹೊಡೆಯೋಲ್ವಂತೆ ದೊಣ್ಣೆ, ದೊಣ್ಣೆ ಸುಡೋಲ್ವಂತೆ ಬೆಂಕಿ, ಬೆಂಕಿ ನಂದಿಸೋಲ್ವಂತೆ ನೀರು, ನೀರು ಕುಡಿಯೋಲ್ವಂತೆ ಎತ್ತು. ನೀನು ಆ ಎತ್ತನ್ನ ಕಟ್ಟಿ ಹಾಕ್ತೀಯ? " ಅಂತಂತೆ.

ಅದಕ್ಕೆ ಹಗ್ಗ : "ನಂಗೆ ಜೋರು ನಿದ್ದೆ ಬರ್ತಿದೆ. ನಾನ್ ಕಟ್ಟಲ್ಲ" ಅಂತಂತೆ.

ಹಿಂಗೆ ಬಿಟ್ರೆ ಆಗಲ್ಲ ಅಂತ ಪುರುಳೆ ಹಕ್ಕಿ ಸೀದಾ ಇಲಿ ಮನೆ

ಗೆ ಹೋಯ್ತಂತೆ.

ಇಲಿ : "ಬಾ ಪುರುಳೆ ಬಾ. ಹಸೆ ಇದೆ ಮಣೆ ಇದೆ. ಕುಳಿತುಕೋ. ಏನು ಬಂದೆ  ಪುರುಳೆ?" ಅಂತಂತೆ.

ಪುರುಳೆ : "ಹಸೆ ಬೇಡಾ, ಮಣೆ ಬೇಡಾ. ಗೂಡಿನ ಮೇಲೆ ಮರ ಬಿತ್ತು. ಮರ ಎತ್ತಲ್ವಂತೆ ನರಿ, ನರಿಗೆ ಕಚ್ಚೋಲ್ವಂತೆ ನಾಯಿ, ನಾಯಿಗೆ ಹೊಡೆಯೋಲ್ವಂತೆ ದೊಣ್ಣೆ, ದೊಣ್ಣೆ ಸುಡೋಲ್ವಂತೆ ಬೆಂಕಿ, ಬೆಂಕಿ ನಂದಿಸೋಲ್ವಂತೆ ನೀರು, ನೀರು ಕುಡಿಯೋಲ್ವಂತೆ ಎತ್ತು, ಎತ್ತು ಕಟ್ಟೋಲ್ವಂತೆ ಹಗ್ಗ. ನೀನು ಹಗ್ಗಾನ ತುಂಡು ಮಾಡ್ತೀಯ? " ಅಂತಂತೆ.

ಅದಕ್ಕೆ ಇಲಿ : "ನಂಗ್ ಪುರಸೊತ್ತಿಲ್ಲ ಹೋಗಾಚೆ" ಅಂತಂತೆ.

ಜೋರು ಸಿಟ್ಟು ಬಂದು ಪುರುಳೆ ಹಕ್ಕಿ ಸೀದಾ ಬೆಕ್ಕಿನ ಮನೆಗೆ ಹೋಯ್ತಂತೆ.

ಬೆಕ್ಕು : "ಬಾ ಪುರುಳೆ ಬಾ. ಹಸೆ ಇದೆ ಮಣೆ ಇದೆ. ಕುಳಿತುಕೋ. ಏನು ಬಂದೆ  ಪುರುಳೆ?" ಅಂತಂತೆ.

ಪುರುಳೆ : "ಹಸೆ ಬೇಡಾ, ಮಣೆ ಬೇಡಾ. ಗೂಡಿನ ಮೇಲೆ ಮರ ಬಿತ್ತು. ಮರ ಎತ್ತಲ್ವಂತೆ ನರಿ, ನರಿಗೆ ಕಚ್ಚೋಲ್ವಂತೆ ನಾಯಿ, ನಾಯಿಗೆ ಹೊಡೆಯೋಲ್ವಂತೆ ದೊಣ್ಣೆ, ದೊಣ್ಣೆ ಸುಡೋಲ್ವಂತೆ ಬೆಂಕಿ, ಬೆಂಕಿ ನಂದಿಸೋಲ್ವಂತೆ ನೀರು, ನೀರು ಕುಡಿಯೋಲ್ವಂತೆ ಎತ್ತು, ಎತ್ತು ಕಟ್ಟೋಲ್ವಂತೆ ಹಗ್ಗ, ಹಗ್ಗ ತುಂಡು ಮಾಡೋಲ್ವಂತೆ ಇಲಿ. ನೀನು ಆ ಇಲೀನ ಹಿಡಿತಿಯ? " ಅಂತಂತೆ.

ಅದಕ್ಕೆ ಬೆಕ್ಕು : ನನಗು ಇದೆ ಬೇಕಾಗಿತ್ತು ಅನ್ಕೊಂಡು. "ಇಲಿ ಹಿಡಿತೀನಿ ಆದ್ರೆ ನಂಗೆ ಒಂದು ಚೊಂಬು ಪೂರ್ತಿ ಹಾಲು ತಂದುಕೊಡು" ಅಂತಂತೆ.

ಸರಿ ಅಂತ ಪುರುಳೆ ಹಕ್ಕಿ ಸೀದಾ ದನದ ಮನೆಗೆ ಹೋಯ್ತಂತೆ.

ದನ : "ಬಾ ಪುರುಳೆ ಬಾ. ಹಸೆ ಇದೆ ಮಣೆ ಇದೆ. ಕುಳಿತುಕೋ. ಏನು ಬಂದೆ  ಪುರುಳೆ ?" ಅಂತಂತೆ.

ಪುರುಳೆ : "ಹಸೆ ಬೇಡಾ, ಮಣೆ ಬೇಡಾ. ಗೂಡಿನ ಮೇಲೆ ಮರ ಬಿತ್ತು. ಮರ ಎತ್ತಲ್ವಂತೆ ನರಿ, ನರಿಗೆ ಕಚ್ಚೋಲ್ವಂತೆ ನಾಯಿ, ನಾಯಿಗೆ ಹೊಡೆಯೋಲ್ವಂತೆ ದೊಣ್ಣೆ, ದೊಣ್ಣೆ ಸುಡೋಲ್ವಂತೆ ಬೆಂಕಿ, ಬೆಂಕಿ ನಂದಿಸೋಲ್ವಂತೆ ನೀರು, ನೀರು ಕುಡಿಯೋಲ್ವಂತೆ ಎತ್ತು, ಎತ್ತು ಕಟ್ಟೋಲ್ವಂತೆ ಹಗ್ಗ, ಹಗ್ಗ ತುಂಡು ಮಾಡೋಲ್ವಂತೆ ಇಲಿ, ಇಲಿ ಹಿಡಿಯುತ್ತಂತೆ ಬೆಕ್ಕು. ಅದಕ್ಕೆ ಒಂದು ಚೊಂಬು ಹಾಲು ಬೇಕಂತೆ ಕೊಡ್ತೀಯ?". ಅಂತಂತೆ.

ಅದಕ್ಕೆ ದನ : "ಹಾಲು ಬೇಕಾದ್ರೆ ಕೊಡ್ತೀನಿ, ಆದರೆ ನಂಗೆ ಜೋರು ಹಸಿವಾಗ್ತಾ ಇದೆ. ನಂಗೆ ಹುಲ್ಲು ತಂದು ಕೊಡ್ತೀಯ?" ಅಂತಂತೆ.

ಪುರುಳೆ : "ಹೋ! ಅದಕ್ಕೇನಂತೆ? ಈಗಲೇ ತಂದು ಕೊಡ್ತೀನಿ". ಅಂತ ಕತ್ತಿ ತಗೊಂಡು ಹೋಗಿ ಒಂದು ಕಟ್ಟು ಹುಲ್ಲು ತಂದು ದನಕ್ಕೆ ಕೊಡ್ತಂತೆ.

ದನ ಆ ಹುಲ್ಲೆಲ್ಲ ತಿಂದು ಪುರುಳೆ ಹಕ್ಕಿಗೆ "ನೀನು ಹಾಲು ಕರ್ಕೋ" ಅಂತಂತೆ.

ಪುರುಳೆ ಹಕ್ಕಿ ಒಂದು ಚೊಂಬು ಪೂರ್ತಿ ಹಾಲು ತಗೊಂಡು ಹೋಗಿ ಬೆಕ್ಕಿಗೆ ಕೊಡ್ತಂತೆ.

ಬೆಕ್ಕು ಹಾಲನ್ನ ಗಟ ಗಟ ಕುಡಿದು, ಇಲೀನ ಹಿಡಿಯೋಕೆ ಅಂತ ಹೋಯ್ತಂತೆ.

ಇಲಿ : "ಅಯ್ಯೋ! ಈ ಬೆಕ್ಕು ನನ್ನ ತಿಂದು ಬಿಡತ್ತೆ" ಅಂತ ಕೂಗ್ತಾ ಸೀದಾ ಹಗ್ಗ ತುಂಡು ಮಾಡೋಕೆ ಶುರು ಮಾಡ್ತಂತೆ.

ಹಗ್ಗ : "ಇಲಿ ನನ್ನ ತುಂಡು ತುಂಡು ಮಾಡಿ ಬಿಡುತ್ತೆ" ಅಂತ, ಸೀದಾ ಹೋಗಿ ಎತ್ತನ್ನ ಕಟ್ಟೋಕೆ ನೋಡ್ತಂತೆ.

ಎತ್ತು : "ಹಗ್ಗ ನನ್ನ ಕಟ್ಟಿ ಹಾಕಿದ್ರೆ, ಮತ್ತೆ ನಾನು ಎಲ್ಲೂ ಹೋಗೋಕೆ ಆಗಲ್ಲ" ಅಂತ ಓಡಿ ಹೋಗಿ ನೀರು ಕುಡಿಯೋಕೆ ಶುರು ಮಾಡ್ತಂತೆ.

ನೀರು : "ಈ ಎತ್ತು ನನ್ನ ಪೂರ್ತಿ ಕುಡಿದು ಬಿಟ್ರೆ" ಅಂತ ಹೆದರಿಕೆ ಆಗಿ ಸೀದಾ ಬೆಂಕಿನ ನಂದಿಸೋಕೆ ಹೋಯ್ತಂತೆ.

ಬೆಂಕಿ : "ನೀರು ನನ್ನ ನಂದಿಸಿ ಬಿಟ್ರೆ ಮತ್ತೆ ನಾನು ಇರೋದೇ ಇಲ್ಲ" ಅಂತ ದೊಣ್ಣೆ ಸುಡಕ್ಕೆ ಶುರು ಮಾಡ್ತಂತೆ.

ದೊಣ್ಣೆ : "ಅಯ್ಯಯ್ಯೋ! ಬೆಂಕಿ. ನನ್ನ ಸುಡಬೇಡ" ಅಂತ ನಾಯಿಗೆ ಹೊಡೆಯೋಕೆ ಶುರು ಮಾಡ್ತಂತೆ.

ಮಲ್ಕೊಂಡಿದ್ದ ನಾಯಿ ಇದ್ದಕ್ಕಿದ್ದಂಗೆ ಹೊಡೆತ ಬಿದ್ದಿದ್ದು ನೋಡಿ "ಕೊಂಯ್ ಕೊಂಯ್" ಅಂತ ಓಡಿ ಹೋಗಿ ನರಿಗೆ ಕಚ್ತಂತೆ.

ನರಿ  : "ಪುರುಳೆ ಹಕ್ಕಿ, ನಾಯಿಗೆ ಕಚ್ಬೇಡ ಅಂತ ಹೇಳು! ಮರ ಎತ್ತಿ ಕೊಡ್ತೀನಿ" ಅಂತ ನಾಯಿಗಿಂತ ಜೋರಾಗಿ ಓಡಿ ಹೋಗಿ ಗೂಡಿನ ಮೇಲೆ ಬಿದ್ದಿದ್ದ ಮರ ಎತ್ತಿ, ಗೂಡೆಲ್ಲ ಸರಿ ಮಾಡಿ, ಇನ್ನೊಂದು ಮರದ ಮೇಲೆ ಗೂಡನ್ನ ಇಟ್ಟು. ಇನ್ನು ಯಾವತ್ತೂ ಸಹಾಯ ಕೇಳಿದವರಿಗೆ ಮಾಡದೆ ಇರಲ್ಲ ಅಂತ ಸೀದಾ ಮನೆಗೆ ಹೋಯ್ತಂತೆ.

ಆಮೇಲಿಂದ ಪುರುಳೆ ಹಕ್ಕಿ ತನ್ನ ಮಕ್ಕಳ ಜೊತೆ ಸುಖ್ವಾಗ್ ಇತ್ತಂತೆ.

~ ~ To view all the posts click on the Home Menu ~~

ಮೊದಲ ಮಳೆ

ದ್ವೀಪದಲ್ಲೊಂದು ಮರ

ಮರದ ಮೇಲೊಂದು ಹಕ್ಕಿ

ಹಕ್ಕಿಯ ಬಾಯಲ್ಲಿ ಗೆದ್ದಲು

ಗೂಡಿನಲ್ಲುಳಿದ ಗೆದ್ದಳುಗಳಿಗೆ ತಾವು ಉಳಿದೆವೆಂಬ ಖುಷಿ

ಹಕ್ಕಿಗೆ ತನಗೆ ಆಹಾರ ಸಿಕ್ಕಿತೆಂಬ ಖುಷಿ

ಮರಕ್ಕೆ ಹಕ್ಕಿ, ಗೆದ್ದಲು ಸೇರಿ ತನ್ನ ತಿಂದಾವೆಂಬ ಭಯ

ಇದ್ದಕ್ಕಿದ್ದಂತೆ ಪಟಪಟನೆ ಗೆದ್ದಲು ಗೂಡಿನ ಮೇಲೆ ಬಿದ್ದ ಮಳೆಹನಿ

ಗೆದ್ದಲುಗಳಿಗೆ ತಮ್ಮ ಗೂಡು ಹಾಳಾದೀತೆಂಬ ಭಯ

ಹಕ್ಕಿಗೆ ತನ್ನ ಮಕ್ಕಳು ಒದ್ದೆ ಆದಾವೆಂಬ ಭಯ

ಮರಕ್ಕೆ ತಾನು ಸ್ವತಂತ್ರನಾಗುವೆನೆಂಬ ಖುಷಿ
ಮೊದಲ ಮಳೆಯ ಖುಷಿ

~ ~ To view all the posts click on the Home Menu ~~

ಬಾಲ್ಯ ಸ್ನೇಹಿತ

ನಾವೇನೂ ಮೂರು ಹೊತ್ತೂ ಒಟ್ಟಿಗೆ ಇರುತ್ತಾ ಇದ್ದ ಸ್ನೇಹಿತರಲ್ಲ. ಆದರೆ ಯಾವ ಹೊತ್ತಲ್ಲಿ ಸಿಕ್ಕಿದರೂ ಜಗಳ ಆಡಿದವರಲ್ಲ. ಕ್ರಿಕೆಟ್ ಅನ್ನೋ ಆಟವನ್ನ ಹೆಚ್ಚು ಕಡಿಮೆ ದಿನಾ ಆಡ್ತಾ ಇದ್ವಿ ಅಲ್ವನೋ? ನನಗೂ ನಿನಗೂ ವಯಸ್ಸಲ್ಲಿ ಬರೀ ಮೂರ್ನಾಲ್ಕು ತಿಂಗಳುಗಳ ಅಂತರವಿದ್ದಿದ್ದರಿಂದಲೋ ಏನೋ  ನಮ್ಮ ಯೋಚನೆಗಳು ಒಂದೇ ದಿಕ್ಕಿನಲ್ಲಿರುತ್ತಿದ್ದವು. ನಿನಗೂ ಗೊತ್ತು, ನಮಗಿಂತ ಮೊದಲು ನಿನ್ನ ಮತ್ತು ನನ್ನ ಅಪ್ಪ ಸ್ನೇಹಿತರು. ಯಾವಾಗಲೋ ಒಮ್ಮೆ ನಿಮ್ಮ ಅಪ್ಪ ನಮ್ಮ ಅಪ್ಪನ ಬಳಿ ಹೇಳಿದ ನೆನಪು "ನಮ್ಮಿಬ್ಬರ ಥರಾನೆ ನಮ್ಮ ಮಕ್ಕಳೂ ಸ್ನೇಹಿತರು ನೋಡು" ಅಂತ. ಅದೇ ಥರ ಇದ್ವಿ ತಾನೆ ನಾವು? ಈಗ ಹೇಳ್ದೆ ಕೇಳ್ದೆ ಹಿಂಗೆ ಮಾಡಿ ಬಿಟ್ರೆ? 

ಅವೆಲ್ಲ ಇರಲಿ, ಇಷ್ಟು ಬೇಗ ಹೋಗೋ ಆತುರ ಏನಿತ್ತು ನಿಂಗೆ? ನಿಮ್ಮ ಮನೆಯವರ ಸ್ಥಿತಿಯನ್ನ ನಮ್ಮ ಅಮ್ಮ, ಅಪ್ಪ ಹೇಳುತ್ತಿದ್ದಾಗ, ಬಂದು ನಿನ್ನ ಕೆನ್ನೆ ಮೇಲೆ ನಾಲ್ಕು ಬಾರಿಸಿ, ಕೈ ಹಿಡಿದು ಎಳ್ಕೊಂಡು ಬರೋಣ ಅನಿಸುತಿತ್ತು. ಕಾಲಿಗೆ ಬಿದ್ದು "ತಿರುಗಿ ಬಾ" ಅಂತ ಕೇಳೋಣ ಅನಿಸುತಿತ್ತು. ಆದರೆ ನೀನು ಬಹಳ ಬುದ್ಧಿವಂತ. ನನ್ನ ಕೈಗೆ ಸಿಗಲೇ ಇಲ್ಲ.

ನಿನ್ನ ಆ ನಗು, ಬೇರೆಯವರನ್ನು ಛೇಡಿಸುತ್ತಿದ್ದ ಆ ಮುಖ, ಎತ್ತರದ ಕಡ್ಡಿ ದೇಹ, ಈಗಲೂ ಈ ಕಣ್ಣ ಮುಂದಿದೆ, ಯಾವಾಗಲೂ ಇರುತ್ತೆ.

ನೀನು ಇಲ್ಲ ಅನ್ನೋದನ್ನ ನಾನಂತೂ ನಂಬೋಲ್ಲ. ಇನ್ನು ಮೇಲೆ ನಿಮ್ಮ ಮನೆಯವರಿಗೆ ಯಾವ ಕಷ್ಟಾನೂ ಬರದೆ ಇರೋ ಥರ ನೋಡ್ಕೋ. " ನಾನು ಅವರ ಕಣ್ಣಿಗೆ ಕಾಣೋದೇ ಇಲ್ಲ ", " ನಂಗೆ ಅವರನ್ನ ಮಾತಾಡ್ಸೋಕೆ ಆಗಲ್ಲ " ಅಂತೆಲ್ಲ ಕಾರಣ ಕೊಟ್ರೆ ಖಂಡಿತ ಬಂದು ನಿನ್ನ ಕೈ ಮುರೀತೀನಿ.

ಬಾಲ್ಯ ಸ್ನೇಹಿತನ ಅಗಲಿಕೆ ಸಹಿಸೋದು ಇಷ್ಟೊಂದು ಕಷ್ಟ ಅಂತ ಗೊತ್ತಿರಲಿಲ್ಲ. ಇದಿಷ್ಟೂ ನೀನು ಓದಿದೀಯ ಅನ್ನೋದು ನನಗೂ ಗೊತ್ತು ನಿನಗೂ ಗೊತ್ತು. ಆದಷ್ಟು ಬೇಗ ನಮ್ಮೆಲ್ಲರ ಕಣ್ಣಿಗೆ ಕಾಣೋ ರೂಪದಲ್ಲಿ ಮತ್ತೊಮ್ಮೆ ಬಾ. ಕಾಯ್ತಾ ಇರ್ತೀವಿ. 

~ ~ To view all the posts click on the Home Menu ~~

The Song :ನಿನ್ನಯ ನನ್ನಯ ಕಲಹ

The lines in my vision for the song "Ellello Oduva Manase" from the movie "Sidlingu" (Kannada).

We are presenting the brand new song As Promised in our earlier song ! Let us know what you expect in the future ! Looking forward to ur feedback Thanks ♥ All.

ನಿನ್ನಯ  ನನ್ನಯ  ಕಲಹ , ಓ... ಬೇಡವೇ ಬೇಡ  ಪುನಃ 

ಇಲ್ಲಿಯೇ ಇರುವ ಮನಸಾ ಹಾ... ಕ್ಷಮಿಸು ಯಾಕೆ ವಿರಸ 

ವ್ಯಸನವೆಲ್ಲ  ಗುಡಿಸಿ, ನಲಿವನು ಕಾಗುಣಿಸಿ

ದೂರದಿಂದಲೇನೆ ಬಯಸೂ ಸನಿಹ  ಸುಮ್ಮನೇ 

ನನ್ನಾ ಎಲ್ಲ ತರ್ಕವಾ ನೀನೆಯೇ ಸುಳ್ಳನು ಮಾಡಿದೆ

ನನ್ನಾ ಎಲ್ಲ  ಯೋಚನೆ ನಿನ್ನಯ ಮೇಲೆಯೇ ನಿಂತಿದೇ

ಕಣ್ಣಿನ ಒಳಗಣ್ಣಿನ ಹೃದಯಕೆ ನಿನದೇ ಧ್ಯಾನ 

ಮೂಡಣ ಈ ಪಡುವಣ ನೀನಿಲ್ಲದೇನೆ ಗೌಣ

ನಿನ್ನ  ಕನಸಿನಲ್ಲೀ ಕರೆಸೂ ನನ್ನಾ ಸುಮ್ಮನೇ

||ನಿನ್ನಯ  ನನ್ನಯ  ಕಲಹ||

ಏನೋ ಇಲ್ಲ ಎನ್ನುವ ನಿನ್ನಯಾ ಭಾವನೆ ಮಿಥ್ಯವೂ 

ನಲಿವಿನ ಸಂದರ್ಭದೀ ಅಳುವುದೂ ಹಾಸ್ಯವೇ ಸತ್ಯವೂ 

ಸ್ವಾರ್ಥದ ನಿಸ್ವಾರ್ಥದ ಬಗೆ ಬಗೇ ಗುಣವೇ ಅಂದ 

ನೀನಿರೆ ಬಲು ಚಂದದ ಚಂದ್ರ ಕೂಡ ಮಂದ 

ಬೆಳಕು ಇಲ್ಲದೇನೇ ನನ್ನ ಓದು ಸುಮ್ಮನೇ 

||ನಿನ್ನಯ  ನನ್ನಯ  ಕಲಹ||  

~ ~ To view all the posts click on the Home Menu ~~

Inspirational Quotes !

Latest :  Looking at your 'Aim' will get you nothing, you have to throw an arrow towards it!
......................................................................................................................................

Share the happiness, leave your sorrow!
Live today, forget tomorrow
......................................................................................................................................

You might be facing 1991 problems, but at the end of the day, only thing that matters is
"what you have learned and achieved from those problems" :)
......................................................................................................................................

Talking about problem, doesn't solve the problem!
Working towards the solution does :)
......................................................................................................................................

You can learn anything, anytime !
But In the end you should have to do what you love to do :)
......................................................................................................................................

Everybody has their own life, Some people makes it colorful :)
......................................................................................................................................

'Hope' can be so small but it has the ability to fill up our whole life with positive thoughts.
......................................................................................................................................

Sometimes You have to make the things happen rather waiting for someone.
You may be alone at the time but your feeling about YOU and about rest of the world, after that work will be just more than awesome !

Taking the right decisions at the right time is what you have to do.
......................................................................................................................................

You will always have a 'hundred' stupid things to share with your friends ;)
And you always have to act as if you are listening to those 'hundred and one' stupid things which your friends sharing with you o_O
......................................................................................................................................

Nothing can stop you when being yourself inspires you !
......................................................................................................................................

Ignorance! The thing which can take you to the deepest hell if u take it negatively & to the highest peak if u take it it positively :)

......................................................................................................................................

When you start to do something new, the first thing you have to face is Ignorance of people! Success comes after few more steps of it :)

......................................................................................................................................

Life is like a fire!

It will burn only if you don't know how to deal with it.

......................................................................................................................................

It is the Oldest memory which can make you happiest person in the world :)

Recall your's - Be Happy :)

......................................................................................................................................

'Luck' is like Stars and Extra Life in Super Mario or Temple Run game.

To get that you have to run towards your destiny !

......................................................................................................................................

'Special' is a feeling which comes when you are thinking about something which you never thought in your whole years :) !

......................................................................................................................................

To Get the New Thing, You have to go in a New Way :)

......................................................................................................................................

If you got control over your Depressions and Excitements, you can handle Anything ; Yes 'ANYTHING' which comes in your way !

......................................................................................................................................

When you are getting ignored, You have more chances to surprise people by proving that they are wrong :)

......................................................................................................................................

Either you dance, sing a song, play guitar, take a picture, paint something, write a poem, play sports or do whatever you want; People think you are awesome only when they can't understand what you are doing or when they really can't do what exactly you are doing.

......................................................................................................................................

The things someone imagined before is our knowledge now. So if you imagine today, it could be the knowledge of someone else tomorrow !

......................................................................................................................................

Why to Bother when you can smile at the problem?

Why to run when you can Kick the Problem?

Why to Die when you can Fight with the Problem?

Why to Cry when you can Laugh at the Problem?

Why to fall when you can Jump Above the Problem?

Why to make Friendship with it when you can Kill the Problem?

Be with your Problem.

Live with your Problem.

But make sure before going to sleep you solve your Problem !

......................................................................................................................................

Is every one Ignoring you..?? Just IGNORE the Ignorance of them and do what you doing...

......................................................................................................................................

The person you avoided many times will never try to contact you unless you make him/her believe that the avoidance was not by mean...

......................................................................................................................................

If you are feeling Uncomfortable with some one, avoid them from first itself..

Because if you are going to avoid them after creating comfortable environment with them, it'll surely hurts both of you people..

......................................................................................................................................

Its just waste of time by feeling on what others thinking about you..

......................................................................................................................................

If GOOD things happens, think that is because of OTHERS -- Your feeling on them will be GOOD always !!

If some mistake happens, think that is because of YOU -- Same mistake never happens by your side !!

......................................................................................................................................

Don't think about what they DID or How they BEHAVE..

But think about what YOU have to DO and How YOU have to BEHAVE..

......................................................................................................................................

The day you THINK you are doing a good Job,

that Good Job starts losing it's value in your mind !

......................................................................................................................................

Just Belive !

Each and Every Person who will come / came in your life are Important.

You will never hate anyone!

~ ~ To view all the posts click on the Home Menu ~~

My only SWEETEST HEART

Dedicated to my only SWEETEST HEART,my buddy "Pakru".

I LOVE DOG :)

Because he is not like humans !

He lives his life so happily.

BITES the 1 who's irritating him with no mercy.

CRIES when he's alone.

Shows his LOVE by licking you.

SHOUTS if he don't like something.

RUNS if he want to play.

Neva Bothers what others saying.

Totally he ENJOYS his own life in his own style

& he always do wat he want to do. 

I wanna be a dog in my next life ♥ !

~ ~ To view all the posts click on the Home Menu ~~

ಚಿತ್ರಾನ್ನ ? ಬರ್ಗರ್ ?

ಹೌದು, ಹೌದು, ಹೌದು.

ಇಲ್ಲ ಇಲ್ಲ ಇಲ್ಲ .

ಇದ್ರೂ ಇರಬಹುದೇನೋ!

ಸುಮ್ಮನೆ ಇದೇ ಥರ ಗೊಂದಲದಲ್ಲಿ ಇಷ್ಟು ದಿನ ಕಳೆದೆನಲ್ಲ ಅಂತ ಬೇಜಾರೇನೂ ಇಲ್ಲ . ಆ ಥರ ಇದ್ದಿದ್ದಕ್ಕೆ ಇನ್ನು ಮೇಲೆ ಆ ಥರ ಇರಬಾರದು ಅಂತ ಗೊತ್ತಾಗಿದ್ದು ತಾನೆ ?

ಅವೆಲ್ಲಾ ಇರಲಿ ಈಗ ವಿಷಯಕ್ಕೆ ಬರೋಣ !

ಜೀವನವನ್ನು ಯಾವುದಕ್ಕೆ ಹೋಲಿಸಬಹುದು ?!

ಹಿಂದಿನ ಕಾಲದ ಜ್ಞಾನಿಗಳು ಜೀವನದ ಕಷ್ಟ ಸುಖಗಳನ್ನು ಹಗಲು/ರಾತ್ರಿಗೋ, ಹರಿಯುವ ನದಿಗೋ ಹೋಲಿಸಿದ್ದಾರೆ. ನಾನೂ ಒಬ್ಬ ಅಲ್ಪಜ್ಞಾನಿ ಅಥವಾ ಅಜ್ಞಾನಿ. ನನ್ನ ಪ್ರಕಾರ ಜೀವನ ಅಂದರೆ ನಾವು ತಿನ್ನೋ ಊಟದ ಥರ .

ಈ ತಿನ್ನುವುದರಲ್ಲೂ ಸಸ್ಯಾಹಾರ ,ಮಾಂಸಾಹಾರ , ಬೇಯಿಸಿದ್ದು, ಹಸಿ ತರಕಾರಿ ಅಂತೆಲ್ಲ ಇದ್ದರೂ ನನ್ನ ಪ್ರಕಾರ ಇರೋದು ಎರಡೇ ವಿಧ .

೧) ಇಷ್ಟಪಟ್ಟು ತಿನ್ನುವುದು.

೨) ಕಷ್ಟಪಟ್ಟು ತಿನ್ನುವುದು.

ನಾವೇನೋ ಮಾಡಬೇಕು ಅಂದುಕೊಂಡಿದ್ದರೆ ಅದನ್ನ ನಾವೇ ತಾನೆ ಮಾಡಬೇಕು? ಸುಮ್ಮನೆ ಡೈನಿಂಗ್ ಟೇಬಲ್ ಮುಂದೆ ಕೂತ್ಕೊಂಡು "ಅಯ್ಯೋ! ದಿನಾ ಬರೀ ಇದೇ ಚಿತ್ರಾನ್ನ" ಅಂತ ಕೊರಗುತ್ತಾ ಇದ್ರೆ ಏನೂ ಪ್ರಯೋಜನವಿಲ್ಲ . ಪಾನಿಪೂರಿನೋ, ಬರ್ಗರ್ ನೋ, ಮಸಾಲೆ ದೋಸೇನೋ ತಿನ್ನಬೇಕು ಅನ್ಸಿದ್ರೆ ನಾವೇ ಅಡಿಗೆ ಮನೆಗೆ ಹೋಗಿ ಅದನ್ನ ಮಾಡೋಕೆ ಪ್ರಯತ್ನಿಸಬಹುದು ತಾನೆ ? ಒಂದೇ ಸಲ ಚೆನ್ನಾಗಿ ಮಾಡೋಕೆ ಬರದೆ ಇದ್ರೂ ಮಾಡ್ತಾ ಮಾಡ್ತಾ ರುಚಿಯಾಗಿ ಮಾಡೋಕೆ ಬರುತ್ತೆ.

ಈಗ ಸಚಿನ್ ತೆಂಡುಲ್ಕರ್ ಮೊನ್ನೆ ಮೊನ್ನೆಯಷ್ಟೇ 100ನೇ  ಶತಕ ಹೊಡೆದರು. ಆದರೆ ಅವರು ಆಡಿರೋ ಪಂದ್ಯಗಳೆಷ್ಟು? 652 (ಏಪ್ರಿಲ್ 19 -2012 )! ಅಂದರೆ ಉಳಿದ ಪಂದ್ಯಗಳಲ್ಲಿ ಅವರು ಶತಕ ಬಾರಿಸಿಲ್ಲ! ಹಂಗಂತ ಅವರಿಗೆ ಕ್ರಿಕೆಟ್ ಆಡೋಕೆ ಬರೋದಿಲ್ಲ ಅನ್ನೋಕಾಗುತ್ತ ? ಈಗ ಅವ್ರು ಸೊನ್ನೆಗೆ ಔಟ್ ಆದ್ರೂ ಮುಂದಿನ ಪಂದ್ಯದಲ್ಲಿ ಚೆನ್ನಾಗಿ ಆಡ್ತೀನಿ ಅಂದ್ಕೊಂಡಿದ್ದಕ್ಕೆ 100  ಶತಕ ಹೊಡೆದಿರೋದು!

ಕ್ರಿಕೆಟ್ ಹಂಗಿರಲಿ ಈಗ ಮತ್ತೆ ಊಟದ ವಿಷಯಕ್ಕೆ ಬರೋಣ!

ಒಂದು ಸಲ ಯೋಚನೆ ಮಾಡಿ, ನೀವು ಯಾವ ಥರ ಊಟ ಮಾಡ್ತಾ ಇದ್ದೀರಾ ಅಂತ. ನಿಮ್ಮ ಮುಂದೆ ಕೆಲವು ಆಯ್ಕೆಗಳಿವೆ.

1) ಡೈನಿಂಗ್ ಟೇಬಲ್ ಮುಂದೆ ಕೂತ್ಕೊಂಡು "ಅಯ್ಯೋ! ದಿನಾ ಬರೀ ಇದೇ ಚಿತ್ರಾನ್ನ" ಅಂತ ಕೊರಗುತ್ತಾ ಬೇರೆಯವರು ತಂದು ಕೊಡೋ ಅದೇ "ಚಿತ್ರಾನ್ನ"ವನ್ನೇ ತಿನ್ನುತ್ತಿದ್ದೇನೆ.

2) ಡೈನಿಂಗ್ ಟೇಬಲ್ ಮುಂದೆ ಕೂತ್ಕೊಂಡು "ಹೆಂಗಿದ್ರೂ ಯಾವುದೋ ಒಂದು ಕೊಡ್ತಾರೆ. ಯಾವ್ದಾದ್ರೆ ನನಗೇನು" ಅಂತ ಏನೂ ಸಿಗದೇ/ಕೊಡದೇ ಇದ್ರೂ ಖಾಲಿ ಹೊಟ್ಟೆಯಲ್ಲೇ ಇರ್ತೀನಿ.

3) "ಇಲ್ಲೇ ಇದ್ರೆ ಇದೇ ಚಿತ್ರಾನ್ನ ತಿನ್ನಬೇಕು" ಅಂತ ಹೊರಗೆ ಹೋಗಿ ಅಲ್ಲೇ ಏನೋ ತಿಂತೀನಿ. ಅಕಸ್ಮಾತ್ ದುಡ್ಡು ಖಾಲಿ ಆಯ್ತು ಅಂದ್ರೆ ಮನೆಗೆ ಬಂದು ಅದೇ ಚಿತ್ರಾನ್ನ ತಿಂತೀನಿ ಅಥವಾ ಖಾಲಿ ಹೊಟ್ಟೆಯಲ್ಲೇ ಇರ್ತೀನಿ.

4) "ಯಾರು ದಿನಾ ಇದೇ ಚಿತ್ರಾನ್ನ ತಿಂತಾರೆ" ಅಂತ ಅಡುಗೆಮನೆಗೆ ಹೋಗಿ ಮತ್ತೆ "ಅಯ್ಯೋ! ಬೇರೆ ಎಲ್ಲ ಮಾಡೋದು ಕಷ್ಟ" ಅಂತ ಅದೇ  ಚಿತ್ರಾನ್ನ ಮಾಡ್ಕೊಂಡು ತಿಂತೀನಿ.

5) "ನಾನು ಇವತ್ತು ಚಿತ್ರಾನ್ನ ತಿನ್ನಲ್ಲ" ಅನ್ಕೊಂಡು ಅಡುಗೆಮನೆಗೆ ಹೋಗಿ, ಬೇರೆ ಏನೋ ಒಂದು ಅಡುಗೆ ಮಾಡಿ, ರುಚಿ ನೋಡಿ, "ಥೂ! ನಂಗೆ ಬೇರೆ ಯಾವ್ದೂ ಮಾಡೋಕೆ ಬರೋಲ್ಲ" ಅಂತ ಮಾರನೆ ದಿನದಿಂದ ಮತ್ತದೇ ಚಿತ್ರಾನ್ನ ಮಾಡ್ಕೊಂಡು ತಿಂತೀನಿ.

6) ಮನೆಗೆ ಬರೋ ಮುಂಚೆನೇ ಬೇರೆಯವರ /ಬೇರೆ ಮೂಲದಿಂದ ಬೇರೆ ಬೇರೆ ಥರದ ಅಡುಗೆ ಮಾಡೋದು ಹೇಗೆ ಅಂತ ಕೇಳಿ/ನೋಡಿ ತಿಳ್ಕೊಂಡು, ಅದನ್ನು ಮನೆಯ ಅಡುಗೆಮನೆಯಲ್ಲಿ ತಯಾರಿಸಿ, ಚೆನ್ನಾಗಿರಲಿಲ್ಲ ಅಂದ್ರೆ ಯಾವ ಪದಾರ್ಥ ಕಡಿಮೆ/ಜಾಸ್ತಿ ಆಗಿತ್ತು ಅಂತ ತಿಳ್ಕೊಂಡು, ಮತ್ತೆ ಮತ್ತೆ ಅದನ್ನೇ ಮಾಡಿ "ಸೂಪರ್ ಆಗಿದೆ !" ಅಂತ ಹೇಳ್ತಾ ತಿಂತೀನಿ.

ನಾನು   ಆಗಲೇ ಹೇಳಿದ ಹಾಗೆ ಊಟದಲ್ಲಿ ಹೇಗೆ ಇಷ್ಟಪಟ್ಟು ತಿನ್ನುವುದು, ಕಷ್ಟಪಟ್ಟು ತಿನ್ನುವುದು ಅಂತ ಎರಡು ವಿಧಗಳು ಇವೆಯೋ ಅದೇ ರೀತಿ ನಾವು ಮಾಡೋ ಕೆಲಸದಲ್ಲೂ. ನಾವು ಇಷ್ಟ ಪಟ್ಟು ಮಾಡ್ತಾ ಇದೀವೋ, ಕಷ್ಟ ಪಟ್ಟು ಮಾಡ್ತಾ ಇದೀವೋ ಅನ್ನೋದಷ್ಟೇ ಮುಖ್ಯ .

ನಾನು ಏನು ಹೇಳೋಕೆ ಪ್ರಯತ್ನಿಸುತ್ತಾ ಇದೀನೋ ಅದು ನಿಮಗೆ ಅರ್ಥ ಆಗಿದೆ ಅನ್ಕೋತೀನಿ. ಆಗಿಲ್ಲ ಅಂದ್ರೆ "ಊಟ" ಪದ ಇರೋ ಜಾಗದಲ್ಲಿ "ಕೆಲಸ" ಪದವನ್ನೂ, "ಚಿತ್ರಾನ್ನ" ಪದ ಇರೋ ಜಾಗದಲ್ಲಿ "ಇಷ್ಟ ಇಲ್ಲದೆ ಮಾಡ್ತಾ ಇರೋ ಕೆಲಸ" ಪದವನ್ನೂ ಹಾಕಿ ಮತ್ತೊಮ್ಮೆ ಓದಿ.

ಯಪ್ಪಾ ದೇವ್ರೇ! ನಾನು ಇಷ್ಟು ಕೆಟ್ಟದಾಗಿ ಕೊರಿತೀನಿ ಅಂತ ಈಗಲೇ ಗೊತ್ತಾಗಿದ್ದು.

ಕೊನೆ ಮಾತು:-

ನಿಮಗೆ ಏನೇ ಕಷ್ಟ ಬಂದರೂ ಜಾಡಿಸಿ ಒದ್ದು ಡೈನಿಂಗ್ ಟೇಬಲ್ ಇಂದ ಮೇಲೆ ಏಳಿ, ಅಡುಗೆಮನೆಗೆ ಹೋಗಿ ನಿಮಗೆ ಏನು ಇಷ್ಟಾನೋ ಅದನ್ನು ಮಾಡ್ಕೊಂಡು ತಿನ್ನಿ!

ರುಚಿ  ಹೇಗಿದ್ರೆ ಚೆನ್ನ ಅಂತ ತಿಳ್ಕೊಳೋಕೆ ಬೇಕಾದ್ರೆ ಅಪರೂಪಕ್ಕೊಮ್ಮೆ ಹೋಟೆಲ್ ಕಡೆ ಹೋಗಿ ಬನ್ನಿ.

Photo Courtesy : Google ! 

~ ~ To view all the posts click on the Home Menu ~~

The song : My life till the END OF 2011 !

ಯಾರಿಗ್ ಹೇಳಣ ನಮ್ಮ ಪ್ರಾಬ್ಲಮ್ಮು 

ಹುಡುಗರ ನೋವಿಗೆ ಇಲ್ಲ ಮುಲಾಮು

ಒಂದ್ ಸೈಡು ಲವ್ವಿಗೆಲ್ಲ ದೊಡ್ಡ ಸಲಾಮು

ಕಿವಿಯಲ್ಲಿ ಇಟ್ಟುಕೊಂಡ ಹೂವೆ ಖಾಯಮ್ಮು 

ಎಲ್ಲೇ ಇದ್ರೂನು ನೀವ್ ಹೇಗೆ ಇದ್ರೂನು

ನಿಮ್ಮ ಮದ್ವೆಗೆ ಕರಿಲೇ ಬೇಡಿ ನಮ್ಮನ್ನು

ಮದ್ವೆ ಮಕ್ಳು ಮಾಡಿಕೊಂಡು ಇರ್ರಿ ಆರಾಮು 

ತುಂಬಾ ಸಣ್ಣ ಹುಡ್ಗ ಅಂತ ಅನ್ಕೊಂಡಿದ್ದೆ ನಾನು 5ನೆ class ಅಲ್ಲಿ 

ನನ್ನಷ್ಟೇ ಎತ್ರ ಇದ್ಲು, ಅದ್ಕೆ ಏನೋ ಅನ್ಸ್ತ ಇತ್ತು ಹೊಡೆಯೋಣ ಗೋಲಿ

Friends ಬಾಯಿಗ್ ಮಣ್ಣು ಹಾಕ, ಮುಚ್ಕೊಂಡು ಇರೋದು ತಾನೆ

ಕೂಗೋಕೆ start ಮಾಡಾಯ್ತು ನಮ್ಮಿಬ್ರನ್ ನೋಡಿದ್ರೇನೆ 

7ನೆ class ತನಕ ಒಂದೇ ಒಂದ್ ನಿಮಿಷ ಮಾತಾಡಕ್ ಆಗಿಲ್ಲ

notes ಆದ್ರು ಕೇಳಣ ಅಂದ್ರೆ handwriting -ಎ ಅರ್ಥ ಆಗಲ್ಲ

ಯಾರಿಗ್ ಹೇಳಣ ನಮ್ಮ STARTING ಪ್ರಾಬ್ಲಮ್ಮು 

ಮಾತಾಡ್ಸೋದ್ ಬಿಟ್ಟು ಬರಿ ಕಣ್ಣಲ್ಲೇ ಲೈನು

High School ಅಲ್ ಕೂತ್ಕೊಂಡ್ ಸುಮ್ನೆ, ಹುಡ್ಗೀರ್ ನ ನೋಡಿ ಖುಷಿ ಪಡ್ತಾ ಇದ್ವಿ

ಬೋಗಿ ಲೆಕ್ಕ ಇಟ್ಟುಕೊಂಡು, ಇವ್ಳು ನಂಗೆ ಅಂತ ಎಲ್ರೂ ಜಗಳ ಮಾಡ್ತಿದ್ವಿ

Friends ಗಾಗಿ ಜೀವ ಅಂತ, ಪ್ರಪೋಸಿಗೆ help ಮಾಡಾಯ್ತು 

ಸಿಕ್ ಹಾಕ್ಕೊಂಡ್ ಪೆಟ್ ತಿನ್ತಿದ್ರೆ ನಾವು ಏನು ಮಾಡಬೇಕಿತ್ತು

ರಾಖಿ ಹಬ್ಬದ ದಿವ್ಸ ನಮ್ಮ ಕೈ ತುಂಬಿ ಹೋಗ್ತಿತ್ತು

ಯಾರ್ ರಾಖಿ ಕಟ್ಟಿಲ್ವೋ ಅವಳನ್ನೇ ಕಣ್ಣು ಹುಡುಕುತ್ತ ಇತ್ತು

ಯಾರಿಗ್ ಹೇಳಣ ಎಲ್ಲಾರ್ದು ಸೇಮ್ ಪ್ರಾಬ್ಲಮ್ಮು

ರಾಖಿ ಕಟ್ ದೇ ಉಳ್ದೋರೆಲ್ಲ ದೊಡ್ ದೊಡ್ಡ ಡ್ರಮ್ಮು 

Diploma ಓದೋವಾಗ ಜಾತ್ರೆ ಇತ್ತು ಅಂತ ಒಮ್ಮೆ ಪೇಟೆಗೆ ಹೋದೆ

ತೇರು ನೋಡ್ತಾ ನಿಂತೋಳಿಗೆ ಗುಂಗ್ರು ಗುಂಗ್ರು ತಲೆ ಕೂದ್ಲಿತ್ತು ನೋಡ್ತಾನೆ ಇದ್ದೆ

follow ಮಾಡಿ ತಿಳ್ಕೊಂಡ್  ಆಯ್ತು, ಅವಳ ಮನೆ address ಎಲ್ಲಿ  

ಹೊಳೆ ಹತ್ರ ಹೋಗ್ತಾ ಇದ್ದೆ, ಮುಂಗಾರು ಮಳೆ feel ಅಲ್ಲಿ

ನಾನು i love you ಅಂತ  ಒಂದಿವ್ಸ ಹೇಳೋಕೆ ಹೋದೆ

ಆವಾಗ್ಲೆ ಗೊತ್ತಾಯ್ತು ಅವಳ 5 - 6 boy friends ನ ಕಥೆ

ಯಾರಿಗ್ ಹೇಳಣ ನಮ್ಮ next ಪ್ರಾಬ್ಲಮ್ಮು

ನಮ್ಮ ಫ್ಲಾಶ್ ಬ್ಯಾಕೇ ಒಂದು chewing -ಉ ಗಮ್ಮು

~ ~ To view all the posts click on the Home Menu ~~

Facebook ಒಳ್ಳೆಯದೋ? ಕೆಟ್ಟದ್ದೋ?!

"ಹೇಯ್ ಮಗಾ ಅವತ್ತು ರಾಕೇಶ್ ಹತ್ರ ಮಾತಾಡ್ದೆ ಕಣೋ! ಡೆಲ್ಲಿಲಿ ಇದಾನಂತೆ ಈಗ."

"ಅವ್ನ mobile number ಹೆಂಗೋ ಸಿಕ್ತು ನಿಂಗೆ?"

"Facebook ಅಲ್ಲಿ ಇದಾನೆ ಮಗಾ! ಹೇಗ್ ಆಗಿದಾನೆ ಗೊತ್ತ ಈಗ? ನನ್ profile ಅಲ್ಲಿ ಇದಾನೆ ನೋಡು"

"ಏನ್ ಗೊತ್ತ? ನಿನ್ನೆ ನಾನು ಪ್ರವೀಣ್ ಜೊತೆ coffee dayಗೆ ಹೋಗಿದ್ದೆ, ಎಷ್ಟು ಒಳ್ಳೆಯವನು ಗೊತ್ತ ಅವ್ನು? ತುಂಬಾ care ಮಾಡ್ತಾನೆ ಕಣೆ"

"ಹೌದ? ಅಲ್ವೇ ಈ ಪ್ರವೀಣ್ ಯಾರು?"    

"ಹೋ! ನಿಂಗೆ ಹೇಳಕ್ಕೆ ಮರ್ತೋಗಿದೆ ನೋಡು. ಅವ್ನು Facebook ಅಲ್ಲಿ friend ಆಗಿದ್ದು ಕಣೆ. ಅವ್ನೆ ಅವತ್ತೊಂದಿನ request ಕಳ್ಸಿದ್ದ, accept ಮಾಡಿದ್ದೆ. ಹಿಂಗೆ chat ಮಾಡ್ತಾ ಫ್ರೆಂಡ್ ಆದ ಕಣೆ"

"Congrats ಬಾಸ್... Sorry ಕಣೋ! ನಿನ್ ಮದ್ವೆಗೆ ಬರೋಕ್ ಆಗ್ಲೇ ಇಲ್ಲ. facebook ಅಲ್ಲಿ photos ಎಲ್ಲ ನೋಡ್ದೆ. ಒಳ್ಳೆ ಜೋಡಿ ನಿಮ್ಮಿಬ್ರುದ್ದು"   

ಇವತ್ತು facebook ಬಗ್ಗೆ ಈ ಥರ ಮಾತಾಡದೆ ಇರುವವವರೇ ಇಲ್ಲ ಅನ್ಸುತ್ತೆ. 

ಇಂದಿನ ಯುವ ಜನಾಂಗಕ್ಕೆ facebook ಅಂದರೆ ಏನು ಅಂತ ಹೇಳುವ ಅಗತ್ಯ ಇಲ್ಲ. ಏಕೆಂದರೆ ಅದು ನಮ್ಮೆಲ್ಲರ ಜೀವನದ ಒಂದು ಭಾಗವೇನೋ ಎಂಬಷ್ಟು ಅದಕ್ಕೆ addict ಆಗಿಬಿಟ್ಟಿದ್ದೇವೆ.

ಎಲ್ಲರ "ನಾನು ಹೀಗಿದೀನಿ ಅಂತ ಇಡೀ ಜಗತ್ತಿಗೇ ಹೇಳ್ಕೋಬೇಕು" ಅನ್ನೋ ಆಸೆಯನ್ನ ಅತಿ ಸುಲಭವಾಗಿ ಈಡೇರಿಸಿದ್ದು ಈ Facebook . 

ಯಾವುದೇ ಒಂದು ವಿಷಯ ಬಹಳ ಪ್ರಸಿದ್ಧಿ ಆದಾಗ ಅದರ ಬಗ್ಗೆ ಖಂಡಿತ ಚರ್ಚೆ ಆರಂಭ ಆಗುತ್ತೆ. 

ಅದೇ ರೀತಿಯಲ್ಲಿ, Facebook ಒಳ್ಳೆಯದೋ? ಕೆಟ್ಟದ್ದೋ?!!

ಈ ಪ್ರಶ್ನೆ ನನಗೆ ಬಹಳ ದಿನದಿಂದ ಕಾಡುತಿದ್ದು, ಉತ್ತರಕ್ಕಾಗಿ ಚರ್ಚಾಸ್ಪರ್ಧೆಯಲ್ಲಿ 'ಪರ' 'ವಿರೋಧ' ಗಳ ಚರ್ಚೆಯಂತೆ ನನ್ನೊಳಗೇ ಮಾತುಕತೆ ನಡೆಯುತ್ತಲೇ ಇದೆ!

ಹೆಚ್ಚಿನವರು "ಎಲ್ಲರು ಅದ್ರ ಬಗ್ಗೆನೆ ಮಾತಾಡ್ತಾರೆ. ನಾನು ಯಾಕೆ facebook account create ಮಾಡಬಾರದು" ಅಂತ ಅನ್ಕೊಂಡೆ ಈ facebook ಅಭಿಯಾನ(!) ಆರಂಭ ಮಾಡೋದು.

ಅದರ ಒಂದೊಂದೇ ಆಯ್ಕೆ(options) ಗಳನ್ನು ಕಲಿಯುತ್ತ ಕಲಿಯುತ್ತ ಸಣ್ಣ ಮಕ್ಕಳಿಗೆ ಕಾರ್ಟೂನ್ ಇಷ್ಟ ಆಗೋ ಥರ ನಮಗೂ facebook ಇಷ್ಟ ಆಗಿ ಬಿಡುತ್ತೆ.

ಎಲ್ರೂ ಮೊದ್ಲು ಮಾಡೋದ್ ಅಂದ್ರೆ Decent ಆಗ್ ಇರೋ ಒಂದು profile picture ಹಾಕೋದು. ಆ pictureಗೆ ಈಗಾಗ್ಲೇ facebook ಅಲ್ಲಿ ಪಳಗಿರೋ ಹಳೆ friends ಎಲ್ಲ 'like' ಅಂತ ಇರೋ ಒಂದು button ಒತ್ತಿರ್ತಾರೆ ಇನ್ನು ಸ್ವಲ್ಪ ಜನ "nice pic" ಅಂತ comment ಕೂಡ ಮಾಡಿರ್ತಾರೆ. ನಮಗೋ ಖುಷಿನೋ ಖುಷಿ, ನನ್ನ ಫೋಟೋ ಎಲ್ಲರಿಗು ತುಂಬಾ ಇಷ್ಟ ಆಗ್ಬಿಡ್ತು ಅಂತ.

ಸರಿ! ಯಾರ್ ಯಾರು comment ಮಾಡಿರ್ತರೋ ಅವ್ರ profile open ಮಾಡಿ ನಾವೂ ಒಂದೆರಡು 'like,comment' ಮಾಡ್ತೀವಿ.

ಸ್ವಲ್ಪ ದಿನ ಆದ್ಮೇಲೆ ಫ್ರೆಂಡ್ಸ್ ಎಲ್ಲ ಸೇರಿ trip ಹೋಗಿದ್ದ photos ಎಲ್ಲ upload ಮಾಡ್ತಿವಿ.

ಅಬ್ಬಬ್ಬ! ಅದೇನ್ 'like' ಗಳು, 'comment' ಗಳು. ಎಷ್ಟೋ ಜನ facebook ಅಲ್ಲಿ ಹಾಕ್ಬೇಕು ಅಂತಾನೆ ಬೇರೆ ಬೇರೆ ಥರ photos ತೆಗೀತಾರೆ.

ಅಲ್ಲೇ side ಅಲ್ಲಿ "Suggestions" ಅಂತ ನಮ್ಮ ಹಳೆ ಫ್ರೆಂಡ್ ಇರ್ತಾರೆ. Facebook ನಿಮ್ಮ friendsಗೆ, friends ಆಗಿರೋ ಬೇರೆ ಫ್ರೆಂಡ್ಸ್ ಅನ್ನು suggest ಮಾಡತ್ತೆ! ಅವ್ರಿಗೆ ರಿಕ್ವೆಸ್ಟ್ ಕಳ್ಸಿ, chat ಮಾಡಿ, ಮತ್ತೆ ಸಿಕ್ಕಿದ ಆನಂದ! 

ಹಳೆ ಸ್ಕೂಲ್ದೋ, ಕಾಲೇಜ್ದೋ ಒಂದು Group ಇರುತ್ತೆ. ಅದ್ರಲ್ಲಿ ಎಷ್ಟೊಂದ್ ಜನ ಹಳೆ ಸ್ಕೂಲ್, ಕಾಲೇಜ್ ಫ್ರೆಂಡ್ಸ್ ಭೇಟಿ ಆಗತ್ತೆ.

Time pass ಮಾಡಕ್ಕೆ ಎಷ್ಟೊಂದ್ ಗೇಮ್ ಗಳು, ಹೊಸ ಹೊಸ applications ಗಳು ಎಲ್ಲ ಇರುತ್ತೆ. ಟೈಮ್ ಹೋಗೋದೇ ಗೊತ್ತಾಗಲ್ಲ.

ಆದ್ರೆ ಇಡೀ ದಿನ Facebook ಓಪನ್ ಮಾಡ್ಕೊಂಡೆ ಇದ್ರೋ? ನೀವ್ ಕೆಟ್ರಿ! ಎಲ್ಲ ಕಾಲಕ್ಕೂ ಅನ್ವಯಿಸುವ "ಅತಿ ಆದ್ರೆ ಅಮ್ರುತನೂ  ವಿಷ" ಅನ್ನ್ನೋ ಗಾದೆಯನ್ನ ಇಲ್ಲೂ ಉಪಯೋಗಿಸಬೇಕಾಗತ್ತೆ!

"ಇತ್ತೀಚೆಗೆ ಜೀವನ ಬಹಳ complicate ಆಗ್ತಾ ಇದೆ", "Worst days of my life", "I just want to be left alone   ".

ಇವೆಲ್ಲ ಒಬ್ರು ಇನ್ನೊಬ್ರ ಹತ್ರ ಮಾತಡ್ತಿರೋದಲ್ಲ! ಒಂದು ಸಲ ನಿಮ್ಮ Facebook account open ಮಾಡಿ ನೋಡಿದ್ರೆ ದಿನಕ್ಕೆ 5 - 6 ಜನ ಆದ್ರು ಇದೆ ಥರ Status update ಮಾಡಿರ್ತಾರೆ.

ಮೊದಲಿಗೆ ಎಲ್ಲವೂ ಚೆನ್ನಾಗಿ ಕಾಣುವ Facebook ಅದರಲ್ಲಿರುವ ಎಲ್ಲ options ಗಳನ್ನು ತಿಳಿದುಕೊಂಡ ಮೇಲೆ ಅಷ್ಟು ರುಚಿಸುವುದಿಲ್ಲ. ಯಾರೋ ಒಬ್ರು ಕರುಣೆ ತೋರಿಸಲಿ ಅಂತ, Facebook ಅಲ್ಲಿ ಯಾರೋ ಗೊತ್ತಿಲ್ದೇ ಇರುವವರು ಮಾಡೋ comment ಗೋಸ್ಕರ ನಮ್ಮ ಕಷ್ಟಗಳನ್ನೆಲ್ಲ ಎಲ್ಲರಿಗೂ ಕಾಣೋ ಥರ ಹೇಳಬೇಕಾ? 

ಇತ್ತೀಚೆಗೆ ದಿನ ಪತ್ರಿಕೆಯಲ್ಲಿ ಓದಿದ ನೆನೆಪು. ಒಂದು ಹುಡುಗಿಯ ಸ್ನೇಹಿತ Facebook ಅಲ್ಲಿ ಬೇರೆ ಎಲ್ಲರ ಜೊತೆ ಮಾತಾಡ್ತಾನೆ, photos ಎಲ್ಲ update ಮಾಡ್ತಾನೆ ಆದರೆ ಇವಳ ಹತ್ತಿರ ಮಾತಾಡ್ತಿಲ್ಲ, chat ಮಾಡ್ತಿಲ್ಲ, ತನ್ನಿಂದ ದೂರ ಹೋಗ್ತಾ ಇದಾನೆ ಅಂತ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ !! ಅಂದರೆ ಎಲ್ಲರೂ ಆತ್ಮಹತ್ಯೆ ಮಾಡಿಕೊಳ್ತಾರೆ ಅಂತ ಅಲ್ಲ, ಆದರೆ Facebook ಇಂದ ಕೆಲವರ Mood OFF ಆಗೋದಂತೂ ಸತ್ಯ! Account De-activate ಮಾಡಿರುವವರೂ ಕಡಿಮೆ ಇಲ್ಲ!  

ಈಗಾಗಲೇ ಒಂದು ಗಾಳಿ ಸುದ್ದಿ ಹರಡಿದೆ ಸ್ವತಃ Facebook ನ ಸಂಸ್ಥಾಪಕ Mark Zukerberg , ಈ company ಯಲ್ಲಿ ಮಾನಸಿಕ ಒತ್ತಡವನ್ನು ತಡೆಯಲು ಆಗುತ್ತಿಲ್ಲ, Facebook ಅನ್ನು ಮಾರ್ಚ್ 15 2012 ಕ್ಕೆ ಬಂದ್ ಮಾಡುತ್ತಿದ್ದೇವೆ ಅಂತ ಹೇಳಿದ್ದಾನೆ!! ಇದು ಎಷ್ಟು ನಿಜವೋ ಎಷ್ಟು ಸುಳ್ಳೋ ಗೊತ್ತಿಲ್ಲ!!

ಏನೇ ಆದರೂ ನಮ್ಮ ಈ modern ಯುಗದ ವಿಸ್ಮಯ(!) Facebook ನಿಂದ ಎಷ್ಟೋ ಖುಷಿಯನ್ನು ಅನುಭವಿಸಿರುವ ನಾವು ಅದರಲ್ಲಿ ಕೇವಲ ನಮ್ಮ ಖುಷಿಯನ್ನೇ ಹಂಚಿಕೊಂಡರೆ ಎಲ್ಲರೂ ಖುಶಿಯಾಗಿರಬಹುದು ಎಂದು ಖುಷಿಯಿಂದ ಹೇಳುತ್ತಿದ್ದೇನೆ.

Log out ಮಾಡೋ ಮುಂಚೆ, ದಿನ Facebook page ನ  ಮೇಲೆ ಕೆಳಗೆ, ಕೆಳಗೆ ಮೇಲೆ Scroll ಮಾಡೋ ಥರ ಈ ಲೇಖನವನ್ನೂ ಓದಿ, ಚೆನ್ನಾಗಿದ್ರೆ "Like " ಮಾಡಿ, ಇಷ್ಟ ಆದ್ರೆ "Comment " ಮಾಡಿ, ಸಿಟ್ಟು ಬಂದ್ರೆ ಬೈದುಬಿಡಿ !!

- ಪ್ರಜ್ವಲ್ ಕುಮಾರ್  

 ~ ~ To view all the posts click on the Home Menu ~~

~MY NATIVE~

This was the very First Poem I had written when I heard someone praising our native "Koppa, Chickamagalur, Karnataka, India". Sorry for Grammatical Mistakes. Read at your own risk !

NATURE IS VERY CALM, JUST LIKE MY MOM!

      IN A VERY COLD AIR, SIT IN FRONT OF BATHROOM'S FIRE!

HOT HOT WATER, BATHING FOR AN HOUR !

      EATING SPICY FOOD, SITTING ON A WOOD(MANE) !

PEOPLE WILL WORK, EVEN DON'T HAVE ANY NETWORK !

      LOST THE ELECTRICITY ?, LETS DO THESE ACTIVITY !

WAKE UP! DON'T REST, YOU CAN GO TO THE FOREST !

      GO TO NIGHBOUR'S HOME, DRINK COFFEE EVERY TIME !

OHH! ITS RAINING, DOSEN'T MATTER KEEP GOING !

      JUMP TO THE RIVER LIKE A DUCK, COME BACK WITH AWESOME ROCK !

NOT INTERESTED ? SIT SIMPLY, HEAR THE SOUNDS OF BIRDS; ITS LOVELY !

      WALK IN THE ARECANUT GARDEN, SEARCH FOR THE FRUITS OF MANGO,LEMON !

CAN PLAY 'CHANNEMANE','CHOUKABARA' ALWAYS, CHEATING IS NOT PROHIBITED OF COURSE !

      SUCH A COLD CLIMATE, YOU NEED ATLEAST 4-5 BEDSHEET !

THIS IS HOW MY NATIVE IS, WELCOMING YOU ALWAYS !

~ ~ To view all the posts click on the Home Menu ~~

ಸುಮ್ನೆ ಒಂದಷ್ಟು ಕವಿತೆ !

೧) ದಂಗೆ

ದಂಗೆ ಏಳಬೇಕಂತೆ ಮಳೆ ಸುರಿದ ಹಾಗೆ

ಮರಗಳನು ಕಡಿದು ಹೆಚ್ಚುತಿರೆ ಬೇಗೆ

ನಿಂತ ನೀರು ಚಲಿಸಲಿ ಮಳೆ ಮುತ್ತಿನಿಂದ

ಇಷ್ಟೆಲ್ಲಾ ಆದ್ಮೇಲಾದ್ರೂ

ಸೋಲಾರ್ ಉಪಕರಣಗಳ ಬಳಸೋಣ ಕಂದ

................................................................................

೨) ಹೊಸತು

ಹೊಸತೆನ್ನುವ ಪದ ಹಳೆಯದೇ

ಹೊಸತನ್ನು ಹುಡುಕುವ ಕ್ರಿಯೆ ಹಳೆಯದೇ

ಏನನ್ನೂ ತಿಳಿಯದೇ

ಯೋಚಿಸುವುದೆಲ್ಲಾ ಹೊಸದೇ

................................................................................

೩) ಏಕೆ?

ನೀ ಎದುರಿಗೆ ಸಿಕ್ಕಾಗ ನಾ ತಪ್ಪಿಸಿಕೊಂಡರೂ

ಮತ್ತೆ ನಿನ್ನ ನೋಡಬೇಕೆನಿಸುತ್ತಿದೆಯೇಕೆ?

ನೀ ನನಗೆ ಬಯ್ಯುವಾಗ ನಾ ಸುಮ್ಮನಿದ್ದರೂ

ಮತ್ತೆ ನಿನ್ನ ಮಾತನಾಡಿಸಬೇಕೆನಿಸುತ್ತಿದೆಯೇಕೆ?

ಎಲ್ಲಾದ್ರೂ ನಿನ್ನ ಸಾಲ ಹಿಂತಿರುಗಿಸುವ ಯೋಚನೆ ಬಂತೆ ನನ್ನ ಮನಕೆ?

................................................................................

೪) ನಾನು-ನಾಯಿ

ದಾರಿಯಲಿ ಕಂಡಿದ್ದು ಹಸಿದ ನಾಯಿ

ನನ್ನ ಹುಡುಗಿಗೆ ನಾನೇ ಆಗ ಸಿಪಾಯಿ

ಹೋಟೆಲಲಿ ತಿಂದು ತೇಗಿದ್ದು ಅವಳದೇ ಬಾಯಿ

ಈಗ ನಾನು-ನಾಯಿ ಇಬ್ಬರೂ ಬಡಪಾಯಿ

................................................................................

೫) ಕರೆ

ಕರೆಯದೇ ಬರೋದು - ಮಳೆ

ಕರೆದಾಗ ಬರೋದು - ನಾಯಿ

ಬರದೇ ಕರೆಯೋದು - ಪೆಟ್ರೋಲ್ ಬಂಕ್

ಬಂದರೂ ಕರೆಯೋದು - ಫೋನ್

................................................................................

೬) ನಾಗರೀಕರು

'ಏಯ್' ಅಂದನವನು

'ಏನಲೇ' ಅಂದನಿವನು

ಶುರುವಾಯಿತು ಹೊಡೆದಾಟ

ಬೀದಿಯಲ್ಲೇ ಎಳೆದಾಟ

ಎಂದೂ ಬರದ ತಂದೆ-ತಾಯಿ ಇಬ್ಬರೂ

ಅವರವರ ಬಾಯಲ್ಲಿ ಬಂದರು

ಇವರೇನಾ ಮನುಷ್ಯರು?

ಮುಂದುವರಿದ ನಾಗರೀಕರು.

................................................................................

೭) ಇನ್ಫಿನಿಟಿ

ನೆನಪನ್ನು ನೆನೆಯುತ್ತಾ ನೆನಪೇ ಬರೆಸಿದಾಗ

 ಈ ಬರವಣಿಗೆಯೇ ಮುಂದೆಂದೋ ನೆನಪಾದಾಗ

ಆ ನೆನಪು ಮತ್ತೊಮ್ಮೆ ಬರೆಸಿದಾಗ

 ಇಲ್ಲ ! ಇದಕ್ಕೆ ಕೊನೆಯಿಲ್ಲ

ಆಂಗ್ಲದ ಇನ್ಫಿನಿಟಿ, ಕನ್ನಡದ ಅನಂತ ಪದಗಳನ್ನು ಇಂತಹ ಸಂದರ್ಭಗಳಿಗಾಗಿಯೇ ಕಂಡುಹಿಡಿದಂತಿದೆ !

................................................................................

೮) ಗುರಿ

ಹುಟ್ಟುವುದೆಲ್ಲೋ, ಏನಾಗಿಯೋ ?

 ಬೆಳೆಯುವುದೆಲ್ಲೋ, ಯಾರಿಗಾಗಿಯೋ ?

ಸಾಯುವುದೆಲ್ಲೋ, ಯಾಕಾಗಿಯೋ ?

 ತಿಳಿಯದೇ ಹೋದರೆ ಜೀವನವೆ ದುಸ್ತರ

ಗುರಿ ಇದ್ದರೊಂದು ತಿಳಿಯುವುದಿದಕುತ್ತರ !

................................................................................

೯) ಪ್ರೀತಿ

ರಾತ್ರಿಯೆಲ್ಲ ನೆನೆಯುತಿದ್ದೆ ನಿನ್ನ ಮೊಗವನೆ

 ಮೂರು ಹೊತ್ತು ಅರಸುತಿದ್ದೆ ನಿನ್ನ ಮಾತನೆ

ನೀನಿನ್ನೂ ಬರಲಿಲ್ಲ

 ಪ್ರೀತಿಯೇ ಸಿಗಲಿಲ್ಲ

................................................................................

೧೦) ಕನ್ಫ್ಯೂಶನ್

Silent ಆಗಿ ಇದ್ರೆ ಗೂಬೆ ಅಂದ್ರು

 ಜಾಸ್ತಿ ಮಾತಾಡಿದ್ರೆ ಲೂಸು ಅಂದ್ರು

ನೋಡಿದ್ರೆ ಗುರಾಯ್ಸ್ತನೆ ಅಂದ್ರು

 ನೋಡಿಲ್ಲ ಅಂದ್ರೆ ಇದುಕ್ಕೆ ಯಾವ್ದ್ರಲ್ಲೂ Interest ಇಲ್ಲ ಅಂದ್ರು

ಸಣ್ಣ Hair cut ಮಾಡ್ಸಿದ್ರೆ ರೌಡಿ ಅಂದ್ರು

 ಸ್ವಲ್ಪ ಉದ್ದ ಬಿಟ್ರೆ ಕರಡಿ ಅಂದ್ರು

ಅವರೆಲ್ಲರಿಗೂ ಯಾರೋ ಹಿಂಗೆ ಹೇಳಿರಬೇಕು

ಅದ್ಕೆ ಅವ್ರು ನಮಗೆ ಹೇಳ್ತಾರೆ

................................................................................

೧೧) ಯಾಕೆ ಹೀಗೆ?

ಸ್ಪೇನ್ ನ ಗೂಳಿಯಂತೆ ನುಗ್ಗುತ್ತಿದ್ದ ನನ್ನ ಬಾಳಿನಲ್ಲಿ ಎದುರಿಗೆ ನೀ ಕಂಡೆಯಲ್ಲಾ..

 ದೂರದಲ್ಲೇ ಇದ್ದರೂ ನೀ ನನ್ನನು ಕಣ್ಣ ಅಂಚಲೇ ನೋಡುವೆ!

ಓಡುತ್ತಲೇ ಇದ್ದ ನಾ ನಿನ್ನ ಮುಂದೇಕೋ ಸುಮ್ಮನೇ ನಿಂತೆನಲ್ಲಾ..

 ನಿಂತಂತೆಯೇ ನಿಂತಿದ್ದರೂ, ನಾ ನಿನ್ನ ಹಿಂದೆಯೇ ಓಡುವೆ !!

................................................................................

೧೨) ಕೆಲಸ

ಹಾರೋದೊಂದೇ ಹಕ್ಕಿ ಕೆಲಸವಲ್ಲ.

ಹಂಗಂತ ಹಾರದೆ ಇದ್ದರೆ ಹಕ್ಕಿ ಬಹಳ ದಿನ ಬದುಕೋಲ್ಲ !   

ಕವಿತೆ ಬರೆಯುವುದೇ ನನ್ನ ಕೆಲಸವಲ್ಲ.

ಹಂಗಂತ ಏನೂ ಬರೆಯದೆ ಸುಮ್ನೆ ಕೂತಿದ್ರೆ ಬೇರೆ ಕೆಲಸವೇ ಮುಂದುವರಿಯೋಲ್ಲ !

................................................................................

~ ~ To view all the posts click on the Home Menu ~~

ಮುದ್ದು ಮುದ್ದು ಅಮ್ಮ :)

ತಡವಾಗಿ ಬಂದಾಗ ಸುಮ್ನಿರ್ತೀಯ.

ರೆಟ್ಟೆ ಹಿಡಿದು 'ಯಾಕೆ ತಡ?' ಕೇಳೋದಲ್ವ ?

      ನನ್ನ ತಲೆಗೆ ಎಣ್ಣೆ ಹಾಕಿ ತಟ್ತಿರ್ತೀಯ.

      'ನೀನೆ ಹಾಕ್ಕೋ ಹೋಗು' ಅಂತ ಬಯ್ಯೋದಲ್ವ?

ಬಟ್ಟೆ ಕೊಳೆ ಆದಾಗ ತೊಳೆದು ಹಾಕ್ತಿಯ.

'ತೊಳಿ' ಅಂತ ನನ್ನ ಮುಖಕೆ ಎಸೆಯೋದಲ್ವ?

       ತಿರುಗಿ ಹೋಗುವಾಗ ಮೂಟೆ ತಿಂಡಿ ಕೊಡ್ತಿಯ.

       'ಅಲ್ಲಿ ಹೇಗೂ ಹೋಟೆಲ್ ಇದೆ' ಅನ್ನೋದಲ್ವ?

ಸಿಡುಕಿ ಉತ್ತರಿಸಿದರೂ ಸುಮ್ಮನಾಗ್ತಿಯ.

ಕೈ ಎತ್ತಿ ಕೆನ್ನೆ ಮೇಲೆ ಬಾರ್ಸೋದಲ್ವ?

ಅದ್ಹೇಗೆ ಕೇಳ್ತಿಯ? ಅದ್ಹೇಗೆ ಬಯ್ತೀಯ? ಅದ್ಹೇಗೆ ಎಸಿತೀಯ? ಅದ್ಹೇಗೆ ಅಂತೀಯ? ಅದ್ಹೇಗೆ ಬಾರಿಸ್ತೀಯ?

ಎಷ್ಟೇ  ಅಂದ್ರೂ ನಾನು ನಿನ್ನ ಮಗ ಅಲ್ವ? !

ನೀನು ನನ್ನ ಮುದ್ದು ಮುದ್ದು ಅಮ್ಮ ಅಲ್ವ ? :)

~ ~ To view all the posts click on the Home Menu ~~